مـصـريـكــا

****
دبلانه ليه يا مّـه ؟
مقهورة ، زعلانة
ما تـردى يا غاليه
مين إللى بكاكى
عيالك الفاسدة ؟
العــرّة خدعوكى
عارُّوكى ، وعـرّوكى
فضحوكى فى الدنيا
وتقولى دول ولدى
انا لسَّـة والداهم
عمرى ما سايباهم

دول فلذة من كبدى

والسفلة غشوهم

غـيّـبوا عقولهم

غسلوا لـهم أفكارهم

علشان يسوقوهم

ويحققوا مرادهم

رمـوهم فى خط النار

يعادوا لبلادهم

قالوا .. تموتوا أحرار

ويموّتــوا ، يــموتــوا

مش فراقة ويّـاهـم

عاوزيـنّــا نعـيـش فى خراب

ويعـود لنا الكذّاب

يرجع برجالـته

بـغباوتـه وجماعـتـه

عبيد لأمريكـا

نرضى بنى صهيون

فى دولة العثـمـان

ونبقى مـصـريـكا

أنـا صـابـره يا ولدى

بأدعى لـهـم ربّــى

يـعـودوا من الـتـوهـان

يـفـوقـوا من الأوهـام

يـعـودوا لـطـريـقى

وولادى ترجـع لـى
ييجـوا يـنـامـوا جانبى

يـبـاتـوا فى حُــضـنـى

*****

نبيل محمود ـ شاعر الغلابـة

انت مـسـالم ؟؟؟

إنت مسالم ؟

********

لما بتسرقوا حــلــم الثورة

وتاكلوا حقوق الناس والثروة

تبقى مسالم ؟

لما تقولوا ع الفاشل شرعى

ولازم يرجع قبل ما نمشى

تبقى مسالم ؟

لما تـهـدد أمــن بلـدنـا

يا تكونوا فيها ، يا ها تخفـوها

تبقى مسالم ؟

لما تـجـرجـر نـاس وأسرهم

يهتفوا ليكوا ، يشتموا فينا

تبقى مسالم ؟

لما تجيب عصابات مرتزقة

تهاجم خيمة لـناس معتصمة

تبقى مسالم ؟

لما شيوخ منصر وسطيكم

رشوا الــدم قــصـاد الـمية

تبقى مسالم ؟

لما تهاجموا الناس الآمنة

ترمـوا شباب من فوق المبنى

تبقى مسالم ؟

لما تهاجم قسم الشرطة

تقتل ضابط ، تخطف جندى

تبقى مسالم ؟

لما تساعدوا خوارج فاجرة

وتساندوهم ضد بـلادكوا

تبقى مسالم ؟

لما بيفتى الجاهل منكم

ويقول جاهدوا ضد بلادكـم

تبقى مسالم ؟

لما تبيعوا الدين بسياسة

تحلوا حرام وفجور ونجاسة

تبقى مسالم ؟

لما تقولوا ع المسلم كافر

وإللى يعارض مجرم فاجـر

تبقى مسالم ؟

*******

خدهـا نصيحة صادقة وخالصة

تـوبـوا إلى ألله وصفوا النية

علشان تبقى حقيقى مسالم

************

نبيل محمود ـ شاعر الغلابـة

الــمــنــصّــة

المنـصّــة

*******

كان مرسى فى الرياسة

طول السنة مالوهش عازة

يسألوه ، مايقولـش كلمة

كان زى خيال الــمآتـه

يكلموه ، يـنـوروه

يـستمع ، مفيش إجابـة

يستنى رأى الجماعة

يخرجوا عليه بـبـلاوى

ويـعـيــشـوه ف المتـاهـة

يـضلـلـوه ، يسوقوا فيـه

وهو ، يقول آمين سمعاً وطاعـة

ما هو لسيده قـاسم يمين

قبل يمين الميادين

والأولانى له أفضلية

فى الجماعة الإرهابية

**

لمّـا إنطرد من شغلته

عملوا مـنــصّــة للـنـبــاح

يـقـف عليها المجرمين

ما بين صياح المجانـيـن

وبين دعاء الفاسديـن

على البلد وأهلها

ويطلّـعوا فـتـوى الجهاد

ضدّنـا وكأننا

أهل الـربـا والدعارة والفساد

سابوا الصهاينة مسكـوا المسلمين

يـهددوا ، ويـرهـبـوا ويـهـدروا دمّـنـا

**

إللى واقفين فى الميدان

مُـجـبـريـن أو مـنـقـادين

أو غلابـة ومـاجورين

وناس جايين مع أهلهم

بيقبضوا مرتبات ومبسوطين

وناس من العدالة هـاربانين

وناس جايين يتفرجوا ويصوروا

وناس على القتال مدربين

بالسلاح والذخيرة مستنيين

يضربوا ، يخربـوا ويدمروا

وبسرعة يستخبوا ويهربـوا

**

وإللى واقفين ع المنصة يندبوا

زى عادتـهـم يـكذبوا

ويصرخوا إتقتلنا

إتسرقنا ، الثورة ضاعت مننا

البلطجية سرقت حقنا

وهمّــا أصل البلطجة واللصوصية

وبيعملوا زى الغانيـة الفاجرة

تـدوخــك وتــتـــوهــك

وإللى فيها تجيبه فيك

**************

نبيل محمود ـ شاعر الغلابـة

رؤوس الإرهــاب

 البلتجى مازال هاربــاً

 تـاجـر المـعلـومــات

 إعــدام مـيّــت

  

بديـــع نيو لوك

يوم تـلاتـيـن

يوم تلاتين

******

يوم تلاتين هو تمام خمسة وعشرين

يعنى رجعنا ها ننزل ع الميادين

مش ها يكون وسطينا فاسدين

ولا أحزاب ولا إخوان فاشلين

مش عاوزين جماعات سريّـة

ولا تـجار أديان خايبين

 

مصريين كلنا إيد واحدة

أعلام مصر هى رايتنا

ترفرف فوقنا وتضللنا

مش راجعين لبيوتـنـا

إلا معانا حقوق الشهدا 

 

والمصابين وحقوق الفقرا

وتتحقق أهداف ثورتنا

إللى ها يرفع راية غريبة

إللى هايهتف ضد الثورة

إللى ها ييجى وماسك شومة

مخبّـى سنجة أو خرطوش

جاى يبلطج أو يـتـحرش

تلاقوه ضيافة فى الإنعاش

غضب الصابر مالهوش حد

وصاحب الحق عمره ما هاب

مش بـنـهدد ولا بـنـتـوعد

ولا بنتهدد م الإرهاب

إحنا صبرنا عليكوا كتير

لا شفنا عدالة ولا تغيير 

 

شفنا المخلوع من تانى

ومـربّـى دقنة المرة دى

 

راحت سوزى ، جات مانيكان

شال أولادة ، جات الإخوان

وزى ما اتخلع المسجون

ها نطردكوا وتعودوا مساجين

*****

نبيل محمود ـ شاعر الغلابـة

أمثال ... على ... الأندال

أخبار نهضة البلد مع مين ؟؟
 مع العمى والمكسحين
*******
تمشى على سلونا أهلا بيك
 تتملعن .. إتفوه عليك
*******
المهابيل ضلوا السبيل حتى لو على راسهم قنديل
*******
من بقرة  ل  خروف يا قلب لا تحزن
*******
الغُـلب مش عيب لما القضا اتحكم
واتسلطن الندل فى الأصيل واتحكم
*******
منين تجيب السمعة الطيبة يا بلتجى
وجماعتك من الغجر وأبوك زلنطحى
*******
الغراب ما ينقرش عين أخوة
وطائر النهضة الشوم ينقر عين 
  أخوه وأبوه 
*******
قالوا تعرف السقيل بآيه ؟
قال ... يوعد ويخلف
 وقالوا تعرف السفيه بآيه
 قال ... يكدب ويحلف
********
لسانهم من كذب وأياديهم من خـشـب
********
من يومك يا جماعة وإنتى على أحقـر حالة
********
عقارب الرمل تتلم فى السر وتلدغ من تحت لتحت
********
إبن العريان ...  يعيش ويموت بلبوص
*******
لمـوا خرفانكم ، ما فى تـيـس ها يـجـيها
*******
إللى عاجبه كحـل بلدنا يتكحل
 وإللى مش عاجبه ، يغور ويرحل
********
يا حداية النهضة ، النسر وراكى
********
الخرفان العميان .. لا عيون تشوف ولا قلب حزين   ؟
********
دقن ديكور ، هى دقن التـور
********
جابوا من المزابل ، حطوا على المنابر
********
لما يشبع الخروف .. يبعزق عليقه
********
الخروف المكلوب لبس التوب بالمقلوب
********
باب الحزين معلم بالطين  وباب الشيطان  معلم  بالخرفان
********
منين يجى الخير وإبليس ماسك الوزير
********
حكم الهلافيت ، يلم الشراميط
********
الإيد البطالة ....  نهضة 
********
صام صام وفطر على نهضة
********

بتصريف وتعديل

نبيل محمود ـ شاعر الغلابـة

طلبات الجــان

لكل تجار الدين  ولكل من يهدد ويروّع ويَــعِـد ويكافىء البسطاء والأميين ويجبرهم  بإسم الدين على السمع والطاعة للجان والمبروكين وسكان الأرضيين ولإخراج العفاريت

وإزالة الأعمال ولإبعاد أرواح الشر بالدفوف والطبول ودم الديك الرومى وأوراق الحجاب والكوديا والبخور   

  نقل بعض الواقع بالشعر العامى

    

طلبات الجان

بـخُـور وِزَفِّـــة زَار بالـدف والـمُـزمـار  

         حَـلـقَـات  طَـابـور تَـفْــقــِيــر ، وشَـعْـوذَه وتَـدجِـيـل

الجان لـه  الطلبات ، تنفيذها مافيهش فصال 

 

والنَــاس مِن إلمسَاكـِيـن بـيـخـافــوا مِـن إلـعَـفْــريـت

ل يسحـر الـنـبـوت وتــطـلّع الـتعــابـيـن

 وهـمّـا عـشان خايفيـن صرخوا وقالوا آمين

سمعـاً  يا سيدنا الجـان طاعتـك فى كل آوان

 إحـنـا لـك الـخُــدَام  ماشيين وراك ماشيين

     بنـقدم الـقـرابـيـن لأجل البديع الزين

طوابير مِن إلتايهين رياحيين يقولوا ال   آه

رافعين رايات البيعـة  ومـسلّـــمين خـاتمين

سَماح يَاسى الميمون  خَـرَّج لنا إلمحابيس

    من قُمْـقُـم إلمتاعيس   أهل الضلال والنار

أخْرُج مِن إلمَلمُوسْ وإبعدنا عن  ألملاعين

 الـكـفـرة  وقليلـى  الدين

 ووعـدنا المكـتـوب تبقى إمام الكون

   

***** 

 نبيل محمود ـ شاعر الغلابـة

عـادات سـريّــة

عادات سريّـة

آيـه إللى مضَايقَـك ؟

علشان قلنا زى العادة ... جماعة سرية

ما هى عادتكوا من بدايتكوا عادات سرّيـة

تلموا الفقرا وناس محتاجة غلابة مش لاقية ...

شـرا تـأيـيـدهم  ب لترين زيت وشوية سكر ... عادات سريّـة

إجتماعاتكوا فى عز الضلمـة ...

بريد جماعتكوا منشور سرى ...

مكتب سرى ومرشد مخفى ...

رقابة مزدوجة زى المافيا ....  عادات سريّــة

ثروات غامضة مكاسب وهميـة ...

غسيل أموال  بورصة  قمار ...

بيع العملة فى أسواق سودا  ... عادة سريّــة

قضـايـا القـتـل وبث الفتنة ...

إغتيلات على مدى سنوات ...

سرقـة ثروات مصر وثورتها ... عادات سريّة

تزعـل لـيـه ؟ نعمـل لك آيه ؟؟

ما انتوا  إختارتوا تـعيشـوا فى جحور

مش راضيين تبقوا طبيعيين

ولا عاوزين الناس تتساوى

وبتحبوا البهتان والزور

  وإحنا فى مصر ناس عاقلين

معتدلين ، أهل الوسطية   

 مش ها نسيب جماعات سرية

ولا إرهاب ، عصابات ملاعين

قلنا هنسحق أى شيطان

وإللى وراه

حتى ولو كانوا اخوان

 

*************

نبيل محمود ـ شاعر الغلابـة

مـيـرسـى يـا فـقـرى

ميرسى يا فقرى

بعد ما كانت يعنى أهى ماشية

وقلنا المظلوم لـمّـا ها يمسكها

بدل الـفِـل  بـتـاع خـربـتـهـا

نـطـلـع مـع بـعـض ب إيد واحدة

ونحـقـق  أحلامنا وأهدافنا

زى الشعب ما قال والثورة

لكن خبـث الـطماع متغلغـل  

ومهما يجمّــع ،،، برضة قليل

إللى بيكذب يا أسطى يا فقرى

زى البعدا ويخلف عهده   

             عمرة ما يوصل ولا  نأمن له               

                                

شفنا ندالة على  الـكـيـف  بوقاحة   

ويّـا جماعـة هـدفـها  شيطانى

ليها تخطيط صهيونى ماسونى   

تـجـمـع تـغسل فى الامـوال

 تشترى بيها نـاس محتاجة      

ويربوا  الأطفال  على الطاعة

ويشكلوا  جماعات إرهاب وفصايل

تبقى  تحت أوامر القادة قـنـابـل

 ميرسى يا فقرى سرك بــاتــع

نحسك  طال  البيت والشارع

مات على بابك تحت مقامك

شهداء  أغلى وأشرف من  أولادك    

خدتها خضرا   ، صبحت غرقانة وعرجا

لما بتمشى يمين ، بتجيبها شمال 

ما يعديش  اليوم ، يظهر زلزال

يطلع إضراب يوقف حال بلدان

يخرب بيت كل اللى وراه اشغال

 تقفل  مطارات عمرها ما دقيقة بـتنام      

تقلب قطارات .. تصبح مـاشية  بدون سواقها

تخش فى وسط الناس تفرمها

فيه محطـات  بتولد طاقة تدفى الناس

 مش لاقية شوية طاقة لـتشغيلها

وتغطى الضلمة كل مكان

 والبرد يموت كذا إنسان غير الحيوان

شكرا فقرى ، ميرسى يا فقرى

هليت ، هـل النحس وراك فدادين

إسحب نفسك ومعاك حزب الشيطاين

 مش ها يفيدنا ولا يشرفنا ولا يطورنا

أهل لومان أو   رب سجون

*************

نبيل محمود ـ شاعر الغلابـة