ليلك
يا بـلــد ولّــى
دفــن
ماضى مالوش معنى
وفـجر جديد جابـوه الجدعان
على الـشابـة
بيتجلـلـى
نهارك
لسّـة ما وصلناش
عشان حبّـة من الأوباش
قـالوا
لنا الشمس تتغطّـى
يـخبّــوها
ولا تطلـعـش
يخللوا
الليل دايم فيها
وحراميها
يسوق لــيـنـا
عصابه
فاشـلـة تسرقـنا
تبث
سمومها بالإشاعات
بالأكاذيب
وإدعاءات
قطيع
خرفان مغمور يأمـر
تخطيطهـا فى بير سـلـم
تـشـوه
صورة الأزهـر
تـخوف
سـلفى من سـنـى
وتضرب قبطى مع مـسلم
مـش
ممكن نسيب ليهم
عروسـة
الشرق يخـفـوها
ولا
حتى يـغـمّـوهــا
بفضل
ألله ها نحميـهـا
نعمـرهـا ، نخضّـرها
ومتصـانـة
يـا محروســة
من الإخوان وم الشيعـة
**************
نبيل محمود ـ شاعر الغلابـة
ليست هناك تعليقات:
إرسال تعليق