الجنيــــه
كان وزنه تقيل ولــه تـأثير
يساوى اليوم ده ، ألف جنيه
يتفك كتير ، عمران بالخير
وتجيب
وتشيل حتى ب ملاليم
كان قوة قرشه تفوت فى حديد
يجيب العيش وألأكل لجيش
و مارون جلاسيه ونـحـلُـى كباب
مـلُـيـم بقشيش
تبقى انت كريم
يدوك تعاظيم
زى الباشوات
الجوز جنيهات ، ويّا إلستات
مصروف للبيت
تجيب بيه خزين
شيىء وشويات
وتشيل بـــاقى منه للأزمات
سألت عليه كل الـعـايـشيـن
قالوا كان يا ما كان ، ماتفكرناش
خلينا ساكتين ما تحصَّـرناش
دا جنيه دلوقتى الرحمة عليه
مضروب مركوب ، مسخوط وهـزيــل
رسموا له جناحات بـيـطـيــر على طول
وبـنحفى علـيـه لـحـد ما نـلـقـاه
وجـوده فاشوش وبركـتـة مفيش
ما يجيبش رغيف ولا تُـمن قريش
ولا حتى حشيش
يـفـطـر بـيـه خـروف
دورت عليه عند الـتـانـيـيـن
لقيته مـلطـوش
مـلهـوف ، مـنـهـوب
مسروق ، مـسلوب
كـنـزوه وخــبُّـوه
بعدها كنسـوه
سكعوه شلُّــوت
واتعاملوا بداله بالدولارات
قالوا عنُّـه ما جيـه
قيمته دى آيـه ؟
احنا ما نعرفش غير العملات
تـصـبـح وتـبـات ثابتة الأساسات
أقـلـو مـا فـيـهتا بـتـزيد ألتوفتات
مسكت المخفى
إللى إسمــه جـنـيـة
أعمله قـرطـاس ... مـا يـشـيـلش جـرام
أقـطـعـه وأرمـيته ، والله دا حرام
ها أشترى بـيـه آيـه
؟
أحسن أخللـيـه حــرز وتـذكــار
عليه صـورة ل قـايـتـبـاى
************
نبيل محمود ـ شاعر الغلابـة
ليست هناك تعليقات:
إرسال تعليق