ثـورة الـفـقـراء
*****
ولا نهتم اذا جيه رمسيس التانى من تانى
أو جـات فتكات
ولا مين قاعد على كرسى ممدد رجليه
إذا كان حمدين أو كان عياط
الفقرا يهمها تدفع ربع جنيه مواصلات
مش جوز جنيهات
وتلاقى طلباتـها رخيصة وتحت إيـديـها
مش طوابير لساعات
ولا نهتم بواحد لابس بدلة ومتأمط جرافته حرير
حواليه البودى جاردات
متصور جانب رغيف مسخوط ويقول مخصوص
والفرد تلات حـبـات
والتانى بياخدوا منـنـا أجره ،
فى يومه ألوفات
تعيّـش عيلة سبع سنوات
بيعلمنا نوفر مياه وغاز وننام لابسين شورتات
والنسوان إزاى تجلى الحلمات
ورئيسـه ما يتكلمش ولا يتحرك إلا بجـوز إشارات
من رئيسين أصحاب مقامات
لموا الدور وإتلموا دا فاض بالناس ، مش ناقصين
حكايات
حلوا لنا الأزمات
علشان لو قامت ثورة فقرا ها تمحى قصور وتبيد
فيلات
والنار ها تنور سرايات
وتعانوا الفقر وعيشة الضـنـك وتستلموا وظيفة
شحات
وها تلطموا بعدها زى الستات
****************
نبيل محمود ـ شاعر الغلابـة
ليست هناك تعليقات:
إرسال تعليق